Trusene frå Ida Victoria, er laga for å vera behagelege i bruk, med god passform. Dei syast i stretchstoff, som f.eks. bomullsjersey, viskosejersey eller tynn, strikka ull. Dette er dessutan eit supert restestoffprosjekt!

I denne mønsterpakken er det fire ulike modellar:

A. Truse med lågt liv er ei truse som er låg framme, og litt høgare bak. Denne trusemodellen eignar seg og godt som gravidtruse, sidan magen legg seg over trusekanten.

B. Truse med høgt liv er ein god og dekkande truse, som går høgt opp på magen.

C. Hipster har ein ganske brei, rett fasong, som går litt lenger ned mot låra enn vanlege truser, og er litt høgare i livet enn den lave modellen.

D. Boksershorts er middels høg i livet, og går godt ned på låra.